Charta qua Rodlendis et filii ejus Seuvinus et Sofredus quasdam res in villa Cavaniacensi monasterio Cluniacensi dant.
Ego, in Dei nomine, Rodlendis ac filii mei, Seuvinus et Sofredus,
donamus ad locum Cluniacum, pro anima patris nostri Bernerii, ut ei Dominus misereatur, aliquid de rebus nostris que sunt site in pago Matisconensi, in villa Cavaniacense, in agro Masciacense; hoc est vineam unam que terminat de tribus partibus terra Sancti Petri, de quarta terra Francorum; faciantque rectores supradicti loci ab odierno die quiquid facere voluerint. Si quis contradicerit, auri untias V persolvat, et inantea firma et stabilis permanead, stipulacione subnixa. Hactum Cluniaco publice. S. Rodlendis ac filiorum ejus Seuvini [et] Sofredi, qui fieri et firmare rogaverunt. S. Arlei. S. Constanti. S. Adalgis. S. Berengarii. S. Gausberti. S. Aiminus. S. Eldradi. S. Gisleberti. Actum Cluaco
(sic) publice. Data per manu Teudbaldi levite, rennante Luduvico anno primo renni ejus.
(Au dos:) Pro Bernerio in villa Cavaniacense.